Najbolji mladi napadač na svijetu Kilijan Mbape preći će u Real Madrid, tvrdi španska Marka.
Mladi 18-godišnji napadač privukao je svu pažnju ove sezone sjajnim igrama u Monaku, koga je odveo do polufinala Lige šampiona. Nedavno je njegov ujak izjavio da mladog Francuza želi šest vrhunskih klubova, oba mančesterska tima, PSŽ, Bajern, Barselona i Real Madrid. Ipak, “Marka” prenosi da je igrač odabrao da pređe u Real.
Ukoliko dođe do tog transfera, nema sumnje da će to biti najskuplji transfer svih vremena. Na taj način Real će se posle samo godinu vratiti na prvo mjesto najskupljih transfera, pošto je prošlog ljeta Pol Pogba svrgnuo Gereta Bejla.
Ne samo to, već će Madriđani dominirati na listi od 10 najskupljih, jer će na pet mjesta biti njihovi igrači.